Әлмәт районында бүген берничә балалар бакчасына җылы биреләчәк
Бу карар салкын һава торышы нәтиҗәсендә кабул ителде.
Бүген Әлмәт районында кайбер балалар бакчаларына җылы бирәчәкләр. Бу хакта район башлыгы Тимур Нагуманов үзенең телеграм-каналында сөйләде.
«Без шәһәрнең яңа өлешендә урнашкан балалар бакчаларында, индивидуаль җылылык пунктлары булган урыннарда бүген җылылык бирәчәкбез, кечкенә котельныйлар хезмәт күрсәтүче калган балалар бакчаларында, газ лимиты турында килешеп, бүген-иртәгә җылылык бирәчәкбез. Шәһәрнең үзәк өлешендә иске схема буенча җылытыла торган бакчаларда котельныйны эшләтеп җибәрү мөмкин түгел, анда барлык җылыткычларны туплаячакбыз», – дип хәбәр итте Әлмәт районы башлыгы Тимур Нагуманов.
Следите за самым важным и интересным в Telegram-каналеТатмедиа
Оставляйте реакции
