Әлмәтнең ЮХИДИ бүлеге хезмәткәрләре мәктәп укучылары белән очрашкан

Очрашу Бөтендөнья юл-транспорт һәлакәтләре корбаннарын искә алу көненә багышланган чаралар кысаларында оештырылган.

Чараның төп максаты: юллардагы аварияләр проблемасына һәм балаларның юл-транспорт травматизмы мәсьәләсенә яшүсмерләрнең игътибарын җәлеп итү.

Балаларга агымдагы елның 10 аенда Әлмәт районы территориясендә теркәлгән һәлакәтләр турында сөйләгәннәр, аларның төп төрләре һәм юл-транспорт һәлакәтләренең килеп чыгуына китергән сәбәпләрне атаганнар. Әңгәмә барышында чарада катнашучыларга юл хәрәкәте кагыйдәләрен бозу мисалларын һәм фаҗигале нәтиҗәләрен күрсәтүче тематик фильм да күрсәтелгән.