Бүген Әлмәт драмтеатрында премьера – «Синсез килгән язлар» спектакле Зифа Кадыйрова әсәре буенча куела.
Премьерага язучы үзе дә чакырулы. Спектакльгә кадәр 18 сәгатьтән аның белән автограф-сессия планлаштырыла. Биредә үк автор үз китапларын да сатуга куячак.
Спектакльне Илтөзәр Мөхәммәтгалиев инсценировкасы буенча Лилия Әхмәтова куя. Төп рольләрдә – Мәдинә Гайнуллина, Рафик Таһиров.
«Синсез килгән язлар»да язучы үз кыйбласына тугры кала. Хатын-кыз сабырлыгы, сынауларга дучар ителгән яралы язмыш, шатлыгын да, газабын да үзенә сыйдырган мәхәббәт тарихы...
Театрга рәхим итегез!
