Халык зары
Әлмәтлеләр район башлыгына турыдан-туры зарлана ала
Әлмәт районы башлыгы Тимур Нагуманов Инстаграмда туры эфирда хәбәр иткәнчә, 21 сентябрьдән шәһәрдә акрынлап җылылык бирелә башлаган, 202 котельный эшли. Хәзерге вакытта 318 социаль объект һәм күпфатирлы йортлар җылылык белән тәэмин ителгән.
Əмма Әлмәт халкыннан кайбер фатирларда, подъездларда һәм кайбер йортларда ботенләй дә җылылык булмавы турында шикаятьләр килә. Тимур Дмитриевич билгеләп үткәнчә, бу проблема идарәче компанияләрнең нәтиҗәсез эшләве аркасында килеп чыккан. Әлмәтлеләргә мөрәҗәгать итеп, ул җылылык булмаган йортларның адресларын һәм элемтә өчен телефон номерларын үз директына җибәрергә тәкъдим итте.
Следите за самым важным и интересным в Telegram-каналеТатмедиа