Бүгеннән Татарстанда балалар бүлмәләре һәм күңел ачу үзәкләре эшли башлый

21 сентябрьдән әлегә кадәр ябык булган балалар өчен уен бүлмәләре, күңел ачу үзәкләре эшли башлаячак һәм биналарны тулыландыру мөмкинлеге артачак. Татарстан Республикасы Премьер-министры Алексей Песошин тиешле карарны имзалады.

Аквапарклар, кинотеатрлар, цирклар, спорт заллары һәм җәмәгать туклануы биналары 70 процентка кадәр (50% урынына) тулылана ала.

Ачык террасаларда 200гә кадәр, ябык биналарда100гә кадәр кеше була ала. Кафе һәм рестораннарда бер өстәл артында утырган кешеләр санына чикләүләр гамәлдән чыга. Өстәлләр арасы элеккечә 1,5 метр булырга тиеш.

65 яшьтән өлкәнрәк булган татарстанлыларга өйдә калырга киңәш ителә.