Коронавирус
Әлмәткә COVID-19дан вакцинаның беренче партиясе кайтты
«Спутник V» прививкасының 40 дозасы Татарстанга сентябрь аенда китерелгән. Алар Казан, Әлмәт һәм Яр Чаллы шәһәрләренә бүленгән. Бу хакта ТР Сәламәтлек саклау министрлыгының штаттан тыш баш эпидемиологы Дмитрий Лопушов сөйләде.
Прививканы Казаннан өч медицина хезмәткәре кабул иткән инде. Алар начар нәтиҗәләр күзәтелмәвен әйтә.
"Спутник V" вакцинасы 2 тапкыр 21 көн ара белән ясала. Татарстанга киләсе вакцина 2020 елның декабрендә китереләчәк һәм 3 меңгә якын доза булыр дип планлаштырыла. Прививкалар транспортчыларга, педагогларга һәм табибларга ясалырга тиеш.
Следите за самым важным и интересным в Telegram-каналеТатмедиа