Татарстанлылар авыл ипотекасын алганда ана капиталын куллана ала
Беренчел взнос сыйфатында ана капиталы акчаларын кулланырга мөмкин.
Бу хакта матбугат конференциясендә ТР авыл хуҗалыгы һәм азык-төлек министры урынбасары Марсель Мәхмүтов хәбәр итте.
«Гражданнар ипотеканы еллык 0,1% тан 3% ка кадәр ташламалы ставка буенча ала алалар. Ипотека кредитын җир участогы сатып алу һәм анда торак төзү, әзер шәхси йорт сатып алу, булган участокта торак төзү өчен файдаланырга мөмкин», - дип сөйләде ул.
Мәхмүтов сүзләренә караганда, кредитны түләүнең максималь вакыты 25 елны тәшкил итә. Ташламалы авыл ипотека программасында катнашу өчен үз акчаларыңның кимендә 10% ын кертергә кирәк.
Авыл хуҗалыгы һәм азык-төлек министры урынбасары, әлеге юнәлеш буенча кредитның иң зур суммасы 3 млн.сум тәшкил итә, дип ачыклык кертте.
Следите за самым важным и интересным в Telegram-каналеТатмедиа
Оставляйте реакции
