Әлмәтлеләрне бозга чыгудан тыялар

Әлегә кар аз булуга карамастан, сулыклар юка боз  белән каплана башлыйлар. Һәм нәкъ менә хәзер иң куркыныч чор башлана.

Беренче боз-мәкерле. Ул әле ныклык җыймаган һәм теләсә кайсы вакытта аяк астында чатнап китәргә мөмкин. Кызганычка каршы, бәхетсезлек очракларыннан беркем дә сакланмаган.

Махсус куркыныч зонага балалар һәм кышкы балык тотуны яратучылар эләгә. Нәкъ менә алар башкалардан ешрак ныгымаган бозның корбаны була, аның ныклыгын арттырып бәяли.

Зинһар, бозга үзегез чыкмагыз һәм һичшиксез балаларны куркыныч турында кисәтегез.

Үзегезне һәм якыннарыгызны саклагыз!