Әлмәт районында беренче тапкыр «Мөмкинлекләр вакыты» туры узды

Әлмәт районында Габдрахман авылында «Авыл көче» дип исемләнгән эшлекле уен узды. Анда 14-35 яшьтәге 50 кеше катнашты. яшьләр катнашты. Уенны ТР Яшьләр эшләре буенча министрлыкның «Мөмкинлекләр вакыты» туры кысаларында уздырдылар. Тур 22 августта старт алды һәм өченче ел уза, әмма быел ул беренче тапкыр авылларда узды.

Эш урыннары, административ төзелеш һәм матди ресурслар – командаларга киләчәк авылының нинди булачагын хәл итәргә кирәк иде. Авыл яшьләре «Авыл көче» эшлекле уенында туган як үсешенең барлык юнәлешләре буенча идеяләрен яңгырата алдылар.

Аграр яшьләр берләшмәсе эшлекле уен белән Азнакай, Лениногорск, Сарман районнарында булды инде. Бу турга республиканың 45 муниципалитеты җәлеп ителәчәк.

Киләчәкнең гомуми картасында уртача хезмәт хакы да, авылның экспорт өчен ресурслары да, авыл кешесенең һөнәре һәм яшәү рәвеше дә күрсәтелгән. Аннан соң турны оештыручыларга мондый мәгълүмат авыл яшьләренең нәрсә белән кызыксынуын һәм үз авылларын яхшыртырга нәрсә ярдәм итәчәген аңларга ярдәм итәчәк. Габдрахманнан соң тур командасы Рус Акташына, аннары Зәй районына юл тотачак.

Фото: скриншот инстаграм