Татарстанда 10 мең медик яңа кием алачак

2026 елда Татарстанның йөз медицина учреждениесенең 10 меңгә якын хезмәткәрен яңа формалы кием белән тәэмин итәчәкләр. Проект республика Хөкүмәте тарафыннан текстильне профессиональ эшкәртү буенча оператор-компания белән берлектә гамәлгә ашырыла, дип хәбәр иттеләр ТР Сәламәтлек саклау министрлыгында. Табиблар өчен махсус киемнең бердәм стилен кертәләр, шул ук вакытта форма төсе бүлекчә профиленә бәйле булачак.

Программа 2022 елдан Татарстан рәисе Рөстәм Миңнеханов ярдәме белән эшли. Бу вакыт эчендә медикларга 60 меңгә якын кием комплекты тапшырганнар. 2025 елда сынау проекты Казанның 2 нче клиник хастаханәсендә һәм Республика балалар клиник хастаханәсендә уңышлы гамәлгә ашырылды, анда персонал өчен индивидуаль форма эшләнде һәм шәхси ячейкалары булган автоматлаштырылган саклау системалары урнаштырылды.

2026 елда программаның яңа өч еллык этабы старт ала. Формалы киемне Россия тукымаларыннан бердәм стилистикада һәм федераль киңәшләрне исәпкә алып әзерләячәкләр. Шулай ук бюджет акчаларын нәтиҗәлерәк файдаланырга мөмкинлек бирәчәк персональләштерелгән исәпкә алу системасын кертү дәвам итәчәк, дип хәбәр итә «Татар-информ».