Татарстан икенче ел рәттән Идел буе федераль округының туристлар рейтингында беренче урында тора
Татарстан икенче ел рәттән Идел буе федераль округы төбәкләре арасында туристлык җәлеп итүчәнлеге рейтингында беренче урында тора. Моннан тыш, республика Россия буенча лидерлар бишлегенә керде, Гомумроссия туристлык индексында дүртенче урынны алды, дип хәбәр итә ТР Туризм буенча Дәүләт комитеты.
Билгеләп үтелгәнчә, төбәкнең туризмда уңышының төп этәргеч көче-Казан. Башкала туристларны бай мәдәни мирасы, үсеш алган инфраструктурасы һәм уңайлы транспорт мөмкинлеге белән җәлеп итә.
Билгеләп үтелгәнчә, Уфа, Ульяновск, Самара һәм Түбән Новгород кебек Идел буе федераль округының башка эре шәһәрләре дә туристлык потенциалын күрсәтә.
Туристлык җәлеп итүчәнлеге рейтингы төрле аспектларны үз эченә алган 50 күрсәткеч буенча комплекслы бәя нигезендә төзелә — туристлык индустриясе күләменнән һәм инфраструктура сыйфатыннан алып тармакның иминлек һәм тотрыклылык дәрәҗәсенә кадәр. Бу бәяләү нәтиҗәләре буенча Татарстан Мәскәү, Санкт-Петербург һәм Краснодар краеннан артта калды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
