Татарстанда бензинның барлык маркаларының да диярлек бәяләре төште
Татарстанда бензин бәяләре арзанлашу тенденциясен саклап кала. Росстат мәгълүматлары буенча, ноябрьнең икенче атнасында күпчелек бензин маркалары, шул исәптән АИ-92 һәм АИ-95, арзандаган. Бердәмбер үскән продукт — дизель ягулыгы. Шулай ук АИ-98 һәм югарырак маркалар аз гына кыйммәтләнгән.
Татарстанда бензинның барлык маркалары да диярлек арзанайды
АИ‑98 һәм аннан югарырак маркалы ягулык бераз кыйммәтләнде.
Росстат мәгълүматларына караганда, Татарстанда 10 ноябрьдән 17 ноябрьгә кадәр бер атна эчендә бензинның күпчелек маркаларына ваклап сату бәяләренең кимүе күзәтелгән, шул ук вакытта дизель ягулыгы бәясе артуын дәвам иткән.
Шулай итеп, АИ 92 маркалы бензинның бәясе 71 тиенгә төште — литры 60,53 сумнан 59,82 сумга кадәр. АИ 95 бензины да арзанайды: аның бәясе 10 тиенгә кимеде һәм хәзер литры уртача 63,45 сум тәшкил итә. Шул ук вакытта АИ 98 һәм аннан югарырак маркалы ягулык аз гына кыйммәтләнде — литр өчен 86,34 тән 86,46 сумга кадәр. Дизель ягулыгы уртача 35 тиен арткан, һәм аның бәясе литры өчен 70,15 сумга җиткән.
Кимүгә тенденция 1 ноябрьгә торышы буенча биржа сатуларында да күзәтелде. Әйтик, АИ 92 бензинына бәя бер атна эчендә 7,64% ка төшкән, тоннасы 66 868 сумга җиткән. АИ 95 бәясе (Россиянең Европа өлеше территориаль индексы буенча) шулай ук түбәнәйде-6,32% ка, тоннасына 74 110 сумга кадәр кимегән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia