«Татар-информ» бу елның беренче кварталында Татарстанның массакүләм мәгълүмат чаралары арасыннан иң популяры булып танылды

«Татар-информ» мәгълүмат агентлыгы 2021 елның беренче кварталы нәтиҗәләре буенча Татарстанның массакүләм мәгълүмат чаралары арасында иң күп китерелә торган массакүләм мәгълүмат чарасы булды. «Медиалогия» белгечләре әзерләгән рейтинг күрсәткечләре әнә шундый.

Рейтинг төзү өчен нигез булып компаниянең кабатлану индексы булды. Әлеге чорда агентлык күрсәткече 310,95 пункт тәшкил иткән. Икенче һәм өченче урыннарны «Бизнес-online» (242,82 пункт) һәм «Реальное время» (98,61 пункт) электрон газеталары алган.

Рейтингның нигезе булып «Медиалогия» системасының базасы тора. Аңа 63 меңнән артык иң йогынтылы чыганак: ТВ, радио, газеталар, журналлар, мәгълүмат агентлыклары, интернет-массакүләм мәгълүмат чаралары кертелгән.