Әлмәтнең «Нефтяник» командасы Казан «Ак Барс»ы белән очрашты
4 август көнне Әлмәттә спорт сөючеләрне, хоккей җанатарларын шатландырган вакыйга булды. Нефтьчеләр каласы Казанның «Ак Барс» хоккей командасын үзендә кабул итте.
Кунаклар Дамир Җәфәров ярдәме белән иптәшләрчә матчның 4 нче минутында ук алга чыктылар, ә икенче периодта Кирилл Семенов, Дмитрий Яшкин һәм Максим Марушев җавапсыз өч алка керттеләр. Очрашуның соңгы өчтән бер өлешендә казанлыларның беренче звеносы ахыргы исәпне билгели. Уен Казан командасының 5:0 исәбе белән җиңүе белән тәмамлана.
Сиренадан соң командалар җанатарларны буллитлар башкару белән сөендерделәр.
Кыска ял көннәреннән соң "Нефтяник" хоккей клубы сезонга әзерләнүен дәвам итәчәк. Ә җанатарларны AlmetOilersCup традицион турнирында көтәчәкләр, ул 10 августта башлана.
Фото: «Нефтяник» АХК матбугат хезмәте
Следите за самым важным и интересным в Telegram-каналеТатмедиа
Оставляйте реакции
