Әлмәттә Россия пауэрлифтинг милли ассоциациясе кубогына ярышлар узды

2024 елның 13-14 декабрендә Әлмәт шәһәренең "Алнас" спорт комплексының авыр атлетика залында пауэрлифтинг һәм көч спорт төрләре буенча Россия пауэрлифтинг милли ассоциациясе  кубогына ярышлар узды. Ярышларда Башкортстан, Удмуртия, Марий-Эл респубикаларыннан, Оренбург өлкәсе, Ульяновск һәм Татарстанның Казан, Чаллы, Түбән Кама, Менделеевск, Яшел Үзән, Чистай, Бөгелмә, Карабаш бистәсеннән, Әлмәт шәһәрләреннән һәм Базарлы Матак һәм Сарман авылларыннан төрле авырлык һәм яшь категорияләрендәге 211 спортчы катнашты.

Команда урыннары шундый тәртиптә бүленде:

1 урын - Әлмәт шәһәре

2 урын-Чаллы шәһәре

3 урын-Түбән Кама шәһәре

Ярышларда иң яшь катнашучы Зыятдинов Эмильгә - 6 яшь, иң өлкән катнашучы Закирова Нәзимәгә - 84 яшь. 

Фото: Әлмәт районы башлыгы матбугат хезмәте