Бер ел эчендә Әлмәт автоинспекторлары узып китү кагыйдәләрен бозучы 800 кешене ачыклаган

Автоинспекция кисәтә: узып китү кагыйдәләрен бозу ешрак үлем белән тәмамланган юл-транспорт һәлакәтенә китерә. Узган ел Әлмәт юлларында каршы хәрәкәт полосасына чыккан  800дән артык һәвәскәр табылды.

Автомобиль инспекторлары белән очрашу машина йөртүчеләр өчен иң аяныч нәтиҗә түгел. Узган ел 12 кеше куркыныч маневрлардан соң күрше машина, кювет яки юл коймасы белән бәрелешүдән исән калмаган. Идарә итүне башкара алмаган шофер хәрәкәтнең барлык катнашучылары өчен көтелмәгән һәм куркыныч, мондый фикерне юл-транспорт һәлакәтләре инспекторлары җиткерә.

Юлларда куркыныч маневрлар турында сөйләсәк, каршы як полосага чыгу барлык рейтингларны җитәкли.

Ул, үз чиратында,үлем белән тәмамланган иң киң таралган юл-транспорт һәлакәтенә китерә. 2023 елда Әлмәт ЮХИДИ хезмәткәрләре 831 шундый хокук бозуны туктаткан.

"Зур тизлек белән бәйле узып китү кагыйдәләрен бозу еш кына юлда  корбаннарга китерә. Иң куркынычы, вакыйга булган вакытта тиз йөрүне яратучының һәм аның пассажирларының гына түгел, ә юлда булган хокук бозучының тормышы да куркыныч астында", – дип билгеләп үтте Әлмәт буенча Дәүләт автоинспекциясе бүлеге начальнигы урынбасары Андрей Лиманский.

Бер генә узып китү дә тизлекне арттырмыйча башкарылмый, нәтиҗәдә, транспорт чаралары бәрелешкәндә, бәрелеш көче арта. Бу иң авыр нәтиҗәләргә китерә. 

"Исегезгә төшерәбез, каршы хәрәкәт өчен билгеләнгән полосага чыгып,  юл хәрәкәте кагыйдәләрен бозган өчен РФ Административ хокук бозулар кодексының 12.15 статьясының 4 өлеше нигезендә 5000 сум күләмендә штраф яки дүрт айдан ярты елга кадәр идарә итү хокукыннан мәхрүм итү каралган", – дип өстәде Андрей Лиманский.

Узган ел каршы хәрәкәт полосасына чыгучылар гаебе белән 21 юл-транспорт һәлакәте булган, аларда 12 кеше һәлак булган һәм 30 кеше төрле дәрәҗәдәге тән җәрәхәтләре алган.