40 яшьтән өлкәнрәк хатын-кызларга тикшеренүләр узу аеруча мөһим.
Әлмәттә диспансерлаштыру кысаларында 10 меңнән артык хатын-кыз маммография узган. Бу хакта район үзәк хастаханәсе матбугат хезмәте хәбәр итте. 300 гә якын хатын-кызда табиблар1 нче һәм 3 нче шәһәр поликлиникаларында тикшерүләр вакытында онкопатологиягә шик тапканнар.
Маммография сөт бизендә симптомнар барлыкка килгәнче үк үзгәрешләр табарга ярдәм итә — мәсәлән, тыгызланулар, кальцинатлар яки башка шешләр. Бу күкрәк яман шешен иртә диагностикалауның иң ышанычлы ысулларының берсе. Бигрәк тә 40 яшьтән өлкәнрәк булган хатын-кызларга тикшеренү уздыру мөһим: бу яшьтән авыру куркынычы арта.
Маммография кергән диспансеризация «Дәвамлы һәм актив тормыш» милли проекты кысаларында бушлай үткәрелә. Тикшерүләрнең даимилеге яшькә һәм куркынычларга бәйле: 40 яшьтән 50 яшькә кадәр — ике елга бер (шикаятьләр булмаса), 50 яшьтән соң — ел саен. Әгәр дә югары куркыныч бар икән (мәсәлән, нәселдәнлек яки мастопатия аркасында), тикшеренүне ел саен яки хәтта ешрак узарга киңәш итәләр‑яшькә бәйсез рәвештә.
Төгәлрәк нәтиҗә өчен маммографияне менструаль циклның 5 нче көненнән 12 нче көненә кадәр эшләү яхшырак.