Әлмәтлеләрне кыска эш атнасы көтә

Конституциягә төзәтмәләр кертү буенча гомумроссия тавыш бирү белән бәйле рәвештә, 1 июль эшләми торган көн дип игълан ителде.

Чәршәмбе көнне, 1 июльдә, РФ Конституциясенә төзәтмәләр кертү буенча тавыш бирүнең төп этабы узачак. Плебисцит үткәрү аркасында бу көн ял көне дип игълан ителде, һәм хезммәт хакы бәйрәм көнендә эшләгән кебек туләнәчәк. «Ягъни 1 июльдә эшләүче гражданнар бу көн өчен икеләтә күләмдә түләү алачак, ә бу көнне эшләмәүчеләр өчен июль ае өчен түләү кимеми», – дип аңлаттылар ведомствода.

Шул ук вакытта 1 июльдә эшләүче хезмәткәрнең теләге буенча аңа башка ял көне дә бирелергә мөмкин. Бу очракта Конституциягә төзәтмәләр кертү буенча тавыш бирү көнендә эш гади күләмдә түләнәчәк, ә ял көне түләнмәячәк.