Кичү урта мәктәбендә укучылар белән юл-транспорт травматизмын профилактикалау буенча чара узды.
Очрашуның максаты - балаларда юллардагы куркынычсызлык кагыйдәләрен ныгыту, яктылык кайтаручы элементлар куллануны аңлату һәм кышкы чорда юл-транспорт һәлакәтләрен кисәтү.
Чара барышында Россия Эчке эшләр министрлыгының Әлмәт районы буенча ЮХИДИ инспекторы И. Курамшина, ТР буенча ЭЭМ ЮХИДИ юл-патруль хезмәте командиры Р. Гайнуллин сорау-җавап үткәрделәр һәм "Я пассажир", "Нас больше нет", "Ловушка" видеофильмнарын күрсәттеләр.
