Әлмәт районы башлыгы «Теләкләр чыршысы» Яңа ел акциясендә катнашты
Акция район башкарма комитеты бинасында уза.
Әлмәт муниципаль районы башлыгы Тимур Нагуманов Әлмәт районы башкарма комитеты бинасында уза торган «Теләкләр чыршысы» Яңа ел акциясендә катнашты. Ул үзенең телеграм-каналында, киңәшмәләргә килгән барлык җитәкчеләр һәм белгечләр әлеге игелекле акциядә катнашсын өчен, чыршы ишек төбендә урнаштырылган, дип сөйләде.
"Мин дә катнашам, әлбәттә. Миңа дүрт шар-дүрт бала бирелде. Быел без Әлмәт районында яшәүче, әмма хәзерге вакытта теге яки бу сәбәпләр аркасында республиканың социаль приютларында булган балаларга тапшырырга булдык", - дип уртаклашты Нагуманов.
Ул бүләкләр сатып алына һәм яшьләр үзәгенә китерелә, аннан инде балаларга җибәрелә, дип хәбәр итте. Әлмәт волонтерлары да Яңа Ел бүләкләрен китерергә булыша.
Фото: Әлмәт районы башлыгы матбугат хезмәте
Следите за самым важным и интересным в Telegram-каналеТатмедиа