Әлмәт «Каракүз»гә әзерләнә

Инде алтынчы ел рәттән «Татнефть» хәйрия фонды шәһәр халкына һәм кунакларына онытылмас хис-кичерешләр бүләк итә.

Фестиваль Әлмәтнең горурлыгына һәм бөтен ил кунакларын җәлеп итү ноктасына әверелде. Музыка, театр, гастрономия, заманча сәнгать, белем бирү проектлары һәм иҗади инициативалар янә меңләгән катнашучыларны һәм тамашачыларны берләштерәчәк.

Программада - этнофестиваль, гастрофестиваль, заманча хореография, урам театрлары, заманча театр, урам мәдәнияте, рәсем сәнгате, орган музыкасы, джаз, авторлык җырлары фестивальләре, шулай ук «Модалы Әлмәт», «Кладовка» экофестивале, «Смена» китап фестивале һәм башка кызыклы вакыйгалар.

Төп программа тәмамланганнан соң фестивальнең тормышы дәвам итәчәк: шәһәр халкын һәм кунакларын «Каракуз фильм» кинофестивале һәм анимация фестивале көтә.

Чаралар шәһәрнең төп мәйданчыкларында — «Каракуз» скверында, «Әлмәт» иҗтимагый үзәгендә, Шарлавыклы буаларда, шәһәр паркында, индустриаль скверда, “Креатив процесслар фабрикасы”нда һәм башка киңлекләрдә узачак.