Әлмәттә «Мәхәббәт һәм тугрылык өчен» медальләрен тапшырдылар

Әлмәт шәһәрендә гаилә тормышы юбилярларын хөрмәтләүгә багышланган тантаналы чара узды. «Мәхәббәт һәм тугрылык өчен» медале - Россия Федерациясендә Гаилә, мәхәббәт һәм тугрылык көнен үткәрү буенча оештыру комитеты тарафыннан гамәлгә куелган иҗтимагый бүләк. Россиядә мәхәббәт символы булган ромашка рәвешендәге мактаулы бүләк белән 25 ел элек никахларын теркәгән, мәхәббәт һәм тугрылыкка нигезләнгән, үз хезмәтләре белән иминлеккә ирешкән һәм балаларын үз илләренең лаеклы гражданнары итеп тәрбияләгән ныклы мөнәсәбәтләр үрнәге булган ир белән хатын бүләкләнә.

Әлмәт муниципаль районы башлыгы Т.Д. Нагуманов исеменнән Әлмәт муниципаль районы башлыгы урынбасары Марат Нилевич Гыйрфанов Әхмәтовлар һәм Каюмовлар гаиләләренә «Мәхәббәт һәм тугрылык өчен» медальләрен тапшырды. Әхмәтовлар Рөстәм Касыйм улы һәм Лилия Минхәер кызы 50 ел бәхетле никахта яшиләр. Табиблар династиясе. Институтны педиатрия белгечлеге буенча тәмамлаганнан соң,  Удмурт республикасына Можга шәһәренә эләгәләр, анда 6 ел «Можга үзәк район хастаханәсендә» эшлиләр. 1992 елда Лилия Минхәировнаны медсанчастьның педиатрия бүлеге мөдире итеп билгелиләр, ә Рөстәм Касимович 1990 елдан хоккей командасының спорт табибы вазифасына билгеләнә. Алар ике матур кыз тәрбияләгәннәр, дүрт оныклары бар. Беренче кызлары Гүзәл медицина династиясен дәвам итә. Ул да табиб.

Шулай ук Каюмовлар гаиләсе Равил Марказович һәм Райли Раисовна бүләкләнде, алар инде 44 ел бергә яшиләр. Рәйлә Рәис кызы - Җәләев Сирин Шамилович исемендәгеспорт-сәламәтләндерү комплексында эшли, күп кенә мактаулы бүләкләргә һәм рәхмәт хатларына ия, ире Равил Марказович  Татнефтегазда шофер булып эшли. Берничә тапкыр «Татнефть» ААҖ һәм «Нефтегазтранс» ҖЧҖ мактау грамоталары белән бүләкләнә. 

Бу матур кешеләр районның яшь буыны өчен искиткеч ныклык һәм яшәү, ярату үрнәге булып тора. Без районның лаеклы гаиләләрен медальләр алулары белән котлыйбыз һәм аларга алга таба да уңышлар телибез!