Әлмәт районы башлыгы сайлауларга гаиләсе белән килде

Әлмәт районы башлыгы Тимур Нагуманов үз сайлау участогы янында гаиләсе белән видео төшерде. Ул аны үзенең телеграм каналында урнаштырган.

"Без бүген бөтен гаиләбез белән  тавыш бирергә килдек. Мурат Тимурович һәм Луиза Тимуровна актив ярдәм итәләр, бюллетеньнәргә галочкалар куялар. Сайлаулар бик күңелле уза", - дип уртаклашты район башлыгы.

Шулай ук район башлыгы «Минем бәхет формуласы» акциясе турында сөйләде. Махсус беләзекләр турында да әйтте, алар участокларда тавыш бирүчеләргә таратыла һәм үз хуҗаларына тавыш бирү көннәрендә күп кенә бонуслар һәм ташламалар алу хокукы бирә.

"Мин сезне, хөрмәтле әлмәтлеләр, илебез өчен мөһим вакыйгага кушылырга чакырам. Алда тагын ике көн бар. Вакытны югалтмас өчен, тизрәк килеп тавыш бирергә киңәш итәм", – диде Нагуманов.