«Урам-тур-туризмда мөһим этап»: Әлмәт мәдәният һәм спорт фестивален кабул итте

"Беренчеләр хәрәкәте"  "Урам" паркы белән берлектә Әлмәтнең  индустриаль скверында региональ "Урам-тур" үткәрде.

Иң яшь катнашучы Казаннан үзенең көчле чыгышларын күрсәтергә килгән. Аңа алты яшь, ул спорт белән өч яшеннән шөгыльләнә.

Чарада Әлмәт районы башлыгы Тимур Нагуманов та катнашты. Ул билгеләп үткәнчә, мәйданчык бик кызыклы, биредә брейк-дансерлар, скейтерлар, ВМХ-фристайл вәкилләре һәм заманча мәдәният һәм спортны тәкъдим итүче башка күп кенә катнашучылар ярыша.

"Урам-тур — илһам һәм күңел ачу чыганагы гына түгел, ә безнең туризм һәм мәдәни алмашу үсешендә мөһим этап та", - дип билгеләп үтте район җитәкчесе.

Әлмәттән тыш, "Урам-тур" Түбән Кама, Яр Чаллы, Менделеевск шәһәрләрендә узган. Маршрут Лаешта тәмамланачак.

Һәр шәһәрдә ачык мастер-класслар һәм All Styles юнәлешендә бию баттллары узды. Шулай ук экстремаль спорт төрләре һәм урам иҗаты юнәлешләре буенча ярышларның сайлап алу этаплары узды. Дисциплиналар арасында скейтбординг, BMX һәм трюклы самокат. Җиңүчеләр һәм призерлар бүләкләр алды һәм 30 августта Казанда узачак «УРАМ» республика урам культуралары фестиваленең финал этабына эләкте.

Турда титуллы спортчылар һәм урам культуралары вәкилләре катнашты. Мәсәлән, алар арасында ВМХ буенча алты тапкыр Россия чемпионы, Токиодагы Олимпия уеннарында катнашучы, вмх-фристайл буенча Россия җыелма командасы әгъзасы Ирек Ризаев; Urban Games Бөтенроссия урам уеннары җиңүчесе Ксения Корюкина; биюче, урам һәм заманча биюләр куючы хореограф Марат Казиханов һәм башкалар.

2022 елның җәендә «Беренчеләр хәрәкәте»н булдыру турында Указга Россия Президенты Владимир Путин кул куйды. Бөтенроссия оешмасының Татарстан бүлеген республиканың яшьләр министрлыгының элеккеге башлыгы Тимур Сөләйманов җитәкләде. «Беренчеләр хәрәкәте» белән хезмәттәшлектә эшләячәк Республика Координация советын төзү турындагы указга агымдагы елның 14 февралендә Татарстан Республикасы Рәисе  Рөстәм Миңнеханов кул куйды.

Чыганак