Хөрмәтле әлмәтлеләр, кадерле хатын-кызларыбыз!

Бу бәйрәм башта күп кенә илләрдәге хатын-кызларның теләктәшлеге бәрабәренә барлыкка килде, һәм бүген ул язгы яңарышны, гомер бирүче башлангычны һәм җир йөзендә булган барлык ямьне гәүдәләндерә.

Хатын-кыз ул һәрвакытта да матурлык, назлылык, ягымлылык, зирәклекне, гаилә учагы һәм ана булу белән бәйле бөек хезмәт кебек мәңгелек кыйммәтләрне символлаштыра. Бүген кешелекнең гүзәл яртысы боларның барысын да эштәге югары профессионализм, сәнгатьтән башлап производствога кадәр эшчәнлекнең барлык өлкәләрендәге уңышлар белән бергә бәйләп алып бара алуын исбатлады. Алар сәясәттә дә, авыл хуҗалыгында да, бизнеста да менә дигән белгечләр булып торалар.

Бигрәк тә Бөек Ватан сугышының авыр еллары шаһиты булган хатын-кызларыбызны, тыл хезмәтчәннәрен бәйрәм белән котлыйсым килә. Алар барысы да шул авыр чор кыенлыкларын җиңеп чыга алдылар, үзләренең бердәм, чыдам, сынмас рухлы була алуларын күрсәттеләр. Без сезнең белән горурланабыз!

Кадерле, сөйкемле хатын-кызларыбыз, сезгә чын күңелдән нык сәламәтлек, гаилә иминлеге, күңел күтәренкелеге һәм һөнәри уңышлар телим. Балаларыгыз сезне сөендереп кенә торсыннар, ә ир-егетләр игътибар, кайгыртучанлык һәм мәхәббәт белән чолгап алсын.

Бәйрәм белән сезне! Халыкара хатын-кызлар көне белән!

Профсоюз оешмаларының координацион советы рәисе Марсель БИКМОРАТОВ