Хөрмәтле коллегаларыбыз, кадерле хатын-кызлар!

Сез барыгыз да гүзәл һәм мөлаем, үзегездә мәхәббәт, наз, ягымлылык, игелек, чыдамлык һәм оптимизм кебек асыл сыйфатларны туплагансыз, йортларыбызда ямь һәм гаилә җылысын булдырасыз, яшәешебез учагын саклыйсыз.

«Татнефть»тә хатын-кызлар ир-егетләр белән беррәттән җаваплы производство бурычларын үтиләр, мөһим вазифаларны билиләр һәм иң катлаулы таләпләрне дә лаеклы башкарып чыгалар. Без сезнең дисциплиналы, игътибарлы булуыгызны, хезмәт сөючәнлегегезне һәм интуиция, зәвык, эшкә иҗади якын килү кебек табигать үзе биргән күркәм сыйфатларыгызны югары бәялибез. Сезнең үсешегез, белемнәрегезне камилләштерүегез һәм һөнәри яктан гына түгел, гаиләдә дә үз-үзегезне табуыгыз, барлык теләкләрегезне тормышка ашыруыгыз өчен шартлар тудырырга тырышабыз.

Теләсә нинди башлангычларда безне рухландыруыгыз һәм безгә ярдәм итүегез өчен рәхмәт, сез әйләнә-тирәбездәге дөньяны матурлык һәм гармония белән тутырасыз, безгә шатлыклы мизгелләр һәм елмаю бүләк итәсез.

Бәйрәмегез уңаеннан без сезгә эшегездә яңадан-яңа казанышлар, тынычлык, гаиләләрегездә татулык һәм иминлек, ныклы сәламәтлек һәм һәрвакыт яхшы кәеф, күңел күтәренкелеге телибез. Бәхетле булыгыз!

«Татнефть» компаниясе генераль директоры Наил Маганов