Әлмәт эшмәкәрләре өчен шәһәрдә быел 58 чара узачак

28 февральдә Әлмәттә кече һәм урта эшмәкәрлек вәкилләренең Әлмәт муниципаль районы башлыгы белән видеоконференция режимында очрашуы булды. Сүз Әлмәт районында кече һәм урта бизнесны үстерү турында барды.

Чарада район башлыгы Тимур Нагуманов, район башкарма комитеты җитәкчесенең икътисад буенча урынбасары Андрей Подовалов, шәһәр оешмалары һәм хезмәтләре катнашты.

2021 елда районда кече һәм урта бизнеска ярдәм программаларын гамәлгә ашыру һәм 2022 елга бурычлар турында Андрей Подовалов сөйләде. Ул билгеләп үткәнчә, узган ел, гомумән алганда, уңай тәмамланган. Кече бизнес субъектлары саны 29% ка арткан. Аларның гомуми саны бүгенге көндә 16 мең тәшкил итә. Керем күләме 46%ка арткан

Андрей Николаевич үсеш нокталары турында да сөйләде. Нокталарның беренче мөһим өлеше-шәһәр сервислары. Әлмәттә 13 ресторан һәм кафе ачылды. Шәһәрдә хезмәт күрсәтү өлкәсе алга таба да үссен өчен, күп фатирлы йорт төзүчеләргә йортларның беренче катларын бизнес өчен тапшырырга тәкъдим ителде.

Икенче үсеш ноктасы-электрон коммерция. Әлмәт бу мәсьәләдә республика буенча лидерларның берсе. Бүгенге көндә кече бизнесның 870 субъекты маркетплейсларда сәүдә итә. Әлмәт өчен бу узган ел белән чагыштырганда 26 тапкыр күбрәк. Заказлар алуның  90 пункты эшли.  Шулай ук Әлмәт Татарстанның ике-өч шәһәре арасында, анда OZON заказларны кабул итү пунктларын да ачты, алар безнең эшмәкәрләргә логистика мәсьәләсе белән ярдәм итә.

Узган ел беренче тапкыр эшкуарларны һөнәри бәйрәмнәре белән котлау оештырылган иде.

Андрей Подовалов агымдагы елга планнар белән уртаклашты. Шулай итеп, башлык белән квартал саен зум үткәрү планлаштырыла; тармаклар проблемасы тикшерелә торган кече һәм урта эшкуарлык өлкәсендә координация советы; кварталга бер тапкыр хакимият органнары һәм күзәтчелек органнары белән ачык диалог; мәшгульлек үзәгендә 10 гарантияләнгән әңгәмә; электрон сәүдә буенча 5 белем бирү очрашуы; һөнәри бәйрәмнәргә бәйле 6 мастер-класс; «Сәламәтлек»паркында үзмәшгульләр өчен 3 ярминкә узачак. Барлыгы 58 чара планлаштырылган. 

Онлайн-очрашу эшмәкәрләр, үзмәшгульләр һәм җитәкчеләр диалогы белән дәвам итте. Алар актуаль сораулар бирделәр, үз идеяләрен тәкъдим иттеләр.

Фото: Әлмәт муниципаль районы башлыгы матбугат хезмәте