Әлмәттә укучыларның юлларда куркынычсызлык кагыйдәләрен белүләрен тест ярдәмендә тикшерделәр

Тест алдыннан Ләйсән Демьянова әңгәмә үткәрде, юл куркынычсызлыгының төп кагыйдәләрен искә төшерде, еш очрый торган хаталар турында сөйләде.

Билетларда сораулар юл-транспорт һәлакәтләренә китерә торган реаль, тормыштагы юл ситуацияләре турында иде.

Тест тәмамлангач, балалар белән бергәләп  хаталарны тикшерделәр.

Юлда куркынычсызлык кагыйдәләре буенча тестларны шәһәрнең барлык гомуми белем бирү оешмаларында үткәрү  планлаштырыла.