Татарстанлыларга приставларга чиратта торырга туры килмәячәк – алдан язылырга мөмкин

Кабул итүгә ничек язылырга?
1. Россия Федераль суд приставлары хезмәтенең Татарстан Республикасы буенча Идарәсенең рәсми сайтына керегез. r16.fssp.gov.ru;
2. Сайтның төп битендә түбәнрәк "Кабул итүгә язылу" бүлеген сайлагыз;
3. Шәхси кабул итүгә язылу тәртибе белән танышканнан соң, «ЕСИА буенча авторизация» сайлагыз (шул ук вакытта сайтта теркәлергә кирәк Gosuslugi.ru);
4. Язылу электрон формасын тутырыгыз һәм «кабул итүгә язылырга» сайлагыз. Шул ук вакытта теләгән датаны сайларга киңәш ителә, югыйсә система буш вакытны автомат рәвештә билгели.
Алга таба күрсәтелгән электрон почта адресына талон копиясе җибәреләчәк. Кабул итү алдыннан урында паспорт һәм талон күрсәтергә кирәк.
Игътибар итегез, гражданнарда яңа коронавирус йогышы таралуга юл куймас өчен шәхси кабул итү шәхси саклану чаралары (битлек, перчаткалар) булганда гына гамәлгә ашырыла.
Кабул итүгә алдан язылмыйча гына эләгеп буламы?
Алдан язылмыйча, көн саен кизү торучы хезмәткәр тарафыннан оператив хәл итүне таләп итә торган социаль әһәмиятле мәсьәләләр буенча гражданнарны кабул ителә: акчадан арестны алу, керемнәрдән тотып калынган акча күләмен киметү, милекне теркәүне тыюны бетерү, алиментлар буенча бурычларны исәпләү.
Калган мәсьәләләр буенча дежур суд приставына - башкаручыга телефон аша яки интернет-сайт аша язылырга мөмкин.
Татарстанлылар, барыннан да бигрәк, акча чараларыннан арестны алу, милеккә карата теркәү гамәлләрен тыю кебек чикләү чаралары буенча мөрәҗәгать итә. Шулай ук гражданнарны әҗәтнең нәрсәдә килеп чыгуы кызыксындыра. 
Бурычларны үз вакытында ТР буенча Суд приставлары федераль хезмәте идарәсе сайтында яки Федераль суд приставлары хезмәтенең мобиль кушымтасында тикшерергә һәм түләргә исегезгә төшерәбез. Моның өчен исем-фамилияне һәм туган датаны кертү дә җитә. Онлайн режимда шулай ук бурыч түләргә яки банкка түләү өчен квитанция бастырып чыгарырга мөмкин. Федераль суд приставлары хезмәтенең мобиль кушымтасы шулай ук яңа бурыч барлыкка килгән яки булганнарын үзгәртү очрагында хәбәрнамәгә дә язылырга мөмкинлек бирә.
Агымдагы елның 7 аенда рәсми сайтта 440 меңнән артык татарстанлы үз бурычлары турында мәгълүмат алды. Быел Идарә сайтында алга таба бурычны түләү өчен күчерелгән квитанцияләр саны 2 тапкырдан артык билгеләнә.