Мәгариф
БДИ тапшыра алмаучыларга тагын бер мөмкинлек бирелә
Шушы көннәрдә БДИ бирә алмаучылардан кабат имтихан тапшырыр өчен гаризаларны кабул итеп бетерделәр.
Быел беренче тапкыр укучыларга шундый мөмкинлек бирелде. Гаризаларны 25 августтан 12 сентябрьга кадәр язарга мөмкин иде.
Өстәмә имтиханнар түбәндәге расписание буенча узачак: 26 сентябрь - математика, 29 сентябрь - рус теле, 9 октябрь - математика һәм рус теле.
Әлмәт районында быел 38 укучы чыгарылыш имтиханнарыннан бик түбән нәтиҗәләр алды. Шулай ук, 9 нчы сыйныф укучыларының 150 се аттестатсыз калды. Алар кабат имтиханнарны бирә алырлармы - монысын октябрьдә белә алырбыз.
Следите за самым важным и интересным в Telegram-каналеТатмедиа