Әлмәттә кулинар көрәш узды

Дистәләгән яшь аш-су осталары кулинар көрәшкә килгән. Шәһәр һәм районның яшүсмерләр клубларында йөрүчеләр  Түбән Мактамага  кем яхшырак ашарга әзерли икәнен ачыклау өчен җыелдылар. Жюри әгъзаларына җиңел булмагандыр.

Башта яшь аш-су осталары музыкаль квиз үттеләр. Аннары биремнәр чираты җитте. "Золушка" этабы булачак хуҗабикәләрне тикшерү. Бер минут эчендә катнашучылар бер стаканнан өч төрле ярмага сортларга тиеш иделәр.

Пироглар, тортлар, пицца һәм башка ризыклар – яшь пешекчеләрнең өй эше. Ярышның  асылы һәрвакыт бер – клубка йөрүчеләр  һәм остазлары арасында дуслык бәйләнешләрен ныгыту.

"Балалар пешерәләр, аралашалар, бәлки киләчәктә бу алар өчен һөнәри юнәлеш булачак. Ә конкурс дөрес туклану гадәтләренә юнәлтелгән", - дип билгеләп үтте «Родничок» яшүсмерләр клубы мөдире Зоя Фәрхетдинова.

Конкурста барлыгы 4 этап, аны 4 яшүсмерләр клубының 12 катнашучысы узды. Ә соңгысы «Матур кабак» булды. Төп ингредиентны нигез итеп алырга кирәк иде.

Нәтиҗәдә, беренче урынны «Ракета» яшүсмерләр клубы алды, икенче урында «Планета», ә өченче баскычны символик рәвештә «Воздух» һәм «Аэронавт» бүлеште.