Фирдүс Тямаев: “Дөньясында ир-ат калмады”
Кыланмыйм, мактанмыйм. Ничек бар, шулай – үземне гади тотам
Барысын да кочаклыйм, үбәм. Теләкләр телим. Концерттан соң киңәш сорап килүче тамашачылар да бар: “Менә мин аерылдым, нишләргә? – дип. – Ирем эчте, эшләмәде. Баланы хәзер күрсәтмим аңа”. Бу дөрес әйбер түгел, баланы күрсәтергә кирәк.
Бала үскәч: “Нигә миңа әтине күрсәтмәдең?” – дип сиңа үпкәләргә мөмкин. Ир эшләми икән, аның аркасында гына аерылу да дөрес түгел. “Киресенчә, саклап калырга тырыш гаиләне, шунда син булырсың көчле хатын-кыз”, – дим. Без үскәндә әтинең төрле вакыты булды, кызып, салып кайткан чагы да бар иде. Әни шунда гаиләне саклап калды, түзде.
– Улыңа: “Урамда малайлар белән сугышып үс”, – дигәнсең, ул бандит булып үсмәсме?
– Нигә, без бандит булмадык бит?
– Син сугышып үстеңме?
– Бәтәч! Авыл малае сугышырга тиеш. Дөньясында ир-ат калмады алайса.
– Хатының Резидә сине тыңлыймы?
– Әйткән сүзне тыңлый, көнләми. Менә быел аның концертын филармониядә оештырасы иде. Барып чыгармы, юкмы... Резидәнең җырлаганын үзем яратам. Моңы бар – иң мөһиме шул.
Фото: Инстаграм
Следите за самым важным и интересным в Telegram-каналеТатмедиа