Әлмәттә 5 Яңа ел күңел ачу мәйданчыгы эшләячәк

21 декабрьдән 7 гыйнварга кадәр Әлмәттә биш яңа ел локациясе эшләячәк:

- «Каракүз» скверы

- Нефтьчеләр мәйданы

- Компетенцияләр үзәге

- «Яшьлек» скверы

- «Саулык» паркы

«Каракүз» скверында мәйданчык 21 декабрьдә 18:00 сәгатьтә ачылачак. Барлык теләүчеләр өчен Әлмәт урам театрының «Легкие крылья» спектакленең премьерасы күрсәтеләчәк.

Ә 22 декабрьдә 18:00 сәгатьтә «Яшьлек» скверында һәм компетенцияләр үзәге янындагы мәйданчыкта Яңа ел локацияләре ачылачак. 30 декабрьдән 3 гыйнварга кадәр биредә «Легкие крылья» урам театрыннан театр тамашаларын карарга була. Бу хакта Әлмәт районы башлыгы матбугат хезмәте хәбәр итә.