Кореяча кыяр рецепты
Бик тиз әзерләнә, ә ашаганда тагын да тизрәк бетә. Мондый салатны көн саен ясарга була, ит һәм балык ризыклары янына бик урынлы булачак.
Яшелчәләрне турап алырга да әллә ни озак вакыт кирәкми , шулай булгач, бик ашыгыч булганда ясап алырга була.
Әмма кыярларга мөмкин кадәр тәм керсен өчен салатны ике сәгатькә "тынычлыкта" калдырып торырга кирәк.
Ингридиентлар:
Кыяр 1 кг.
Кореяча кишер өчен тәмләткеч.
Үсемлек мае 3-4 аш кашыгы
Сарымсак 4-5 тырнак
Уксус 9% 2-3 аш кашыгы
Укроп
Тоз, песок - тәменә карап
Эш тәртибе:
Кыярларны юып, кисәкләргә бүләргә.
Сарымсак белән укропны вак итеп турарга. Савытка кисәкләргә бүленгән кыярны, сарымсак, укроп, тоз, песок, уксус, кишер өчен корейча тәмләткечен салып, болгатып куябыз.
Кыярларга тәм керсен өчен 2 сәгатькә калдырып торабыз.
Следите за самым важным и интересным в Telegram-каналеТатмедиа
Оставляйте реакции
