Татарстанда температура аномалияләре котелә

Идел буе федераль округының үзәгендә һәм көнбатышында температура нормадан шактый түбән булачак.

Россия территориясенең шактый өлешендә июнь ахырына кадәр температура аномалияләре күзәтеләчәк. Бу хакта РФ Гидрометеорология үзәге фаразына сылтама белән РИА Новости хәбәр итә.

Шулай итеп, Идел буе федераль округының үзәгендә һәм көнбатышында, шулай ук Урал федераль округы территориясендә уртача тәүлеклеклек температура 12дән 16 градуска кадәр җылылык булачак. Бу климат нормасыннан якынча дүрт градуска түбәнрәк.

Шул ук вакытта илнең азиат өлешендәге күп кенә төбәкләрдә климатик норма сизелерлек артачак. Себернең төньягында тайпылышлар сигез градуска якын, көньякта – дүрт градуска кадәр. Себернең күпчелек өлешендә тәүлеклеклек уртача температура якынча +20 градус тәшкил итәчәк.

Россиянең Европа өлешендә, шул исәптән Мәскәү һәм Санкт-Петербург шәһәрләрендә, шулай ук илнең көньягында тәүлеклек уртача температура климат нормасына якын туры киләчәк. Элегрәк «Татар-информ» Татарстанга суыту күзәтелә, дип хәбәр иткән иде.