Җинаять һәм җәза
Әлмәттә халык шикаятеннән соң идарәче компаниягә штраф салынды
Островский урамындагы йорт, 1/19 тиешле хәлдә түгел.
Татарстан торак инспекциясе халыкның шикаятьләреннән соң Әлмәттәге торак йортка тикшерү белән килде.
Тикшерүче Островский урамындагы йортның подвалында су басу эзләрен, төзелеш һәм көнкүреш чүп-чарларын таба.
Түбәдә су үткәрү каналы юк иде. Подъездларның берсендә штукатурка кубып төшкән.
Татарстан торак инспекциясе «ЖЭУ-3» идарәче компаниясенә 125 мең сум штраф рәвешендә административ җәза билгеләде. Билгеләнгән срокта штраф түләмәгән өчен протокол төзелгән.
Эш материаллары судка җибәрелде, дип хәбәр итә Татарстан Жилинспекциясенең матбугат хезмәте.
Следите за самым важным и интересным в Telegram-каналеТатмедиа