Улы батып үлгән әлмәтлегә суд булачак

27 июньдә Әлмәттә яшәүче 32 яшьлек хатын-кыз аек булмаган хәлдә 7 яшьлек улы белән Березовка авылы янында җиһазланмаган комлыкка су коенырга барган. Бала йөзә белмәсә дә, әнисе аны озак вакытка үзен генә калдырган. Малай тирәнгәрәк кергән һәм батып үлгән.

Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр иткәнчә Тикшерү комитеты «саксызлык аркасында үлемгә китерү» маддәсе буенча җинаять эше кузгаткан. Хатын-кыз гаебен таныган. Җинаять эшен Әлмәт шәһәре судына җибәргәннәр. 

Чыганак