Чит фатир тәрәзәсенә кирпеч ыргыткан әлмәтлене хөкем иттеләр

Татарстан республикасы Әлмәт районы буенча җәмәгать судьясы административ хокук бозу турында эшне карады, бер ир-ат чит фатир тәрәзәсенә кирпеч ыргыткан. Бу хакта судның матбугат хезмәте хәбәр итә.

Бу хәл быел май аенда булган. Кич белән ир-ат Сөләйманова урамы тирәсендә була. Ул кирпечне кулына ала һәм аңлы рәвештә аны бер фатирның тәрәзәсенә ташлый. Фатир хуҗасына китерелгән зыянны 1 800 сумга бәяләгәннәр.

Ир судка килмәгән, ул эшне аның катнашыннан башка карауларын сорап, үтенеч белән мөрәҗәгать иткән. Беркетмә белән ул килешкән.

Суд әлмәтлене гаепле дип таныган. Хокук бозган өчен аңа дәүләт кеременә 300 сум күләмендә штраф түләү рәвешендә административ җәза билгеләнгән. Карар законлы көченә кермәгән һәм аңа карата шикаять белдерелмәгән.

Суд матбугат хезмәте искәрткәнчә, аңлы рәвештә кеше милкен юк иткән яки зыян китергән өчен хокук бозучыларга 300-500 сум күләмендә штраф яный.