Әлмәттә тагын бер пандемияле ел узды

Әлмәттәге йомгаклау сессиясендә бөтен зал пандемия чорында табибларга хезмәтләре өчен рәхмәт әйтү өчен басты. Табиблар ул вакытта эш урыннарын калдыра алмады һәм онлайн сессиягә кушылды. Турыдан-туры эфирда район үзәк хастаханәсенең баш табибы Вера Головина, планлы медицина ярдәме күрсәтү өчен, шәһәрдә хастаханәләрне «тыныч вакыт» астында кире профильләштерү башланды, дип сөйләде.

Әмма көрәш тәмамланмады, бөтен җирдә прививка ясау кампаниясе дәвам итә. 

Әлмәтлеләр пандемия кагыйдәләре буенча яшәргә өйрәнде. Зур вакыйгалар ачык мәйданчыкларда үтте.

Концерт залларын яртылаш тутырдылар һәм кунаклардан битлек киюләрен сорадылар. Онлайн очрашулар үткәрү ешайды, моңа да пандемия өйрәтте. Мондый формат ерактагыларны да бергә җыйды.

Ел дәвамында сәүдә нокталарында һәм җәмәгать туклануы урыннарында тикшерүләр узды. Комиссия биналарда килүчеләрнең куркынычсызлыгы турында кайгыртуларын тикшерде.

Республикада QR-кодлар системасы эшли башлады. Бу бизнес өчен чираттагы сынау булды. 

Тагын бер айдан соң мондый система җәмәгать транспортында эшли башлады. 

Кабул ителгән чаралардан, чыннан да, уңай нәтиҗә булды. Декабрь аенда экспертлар авырулар санының кимүе турында белдерде. Әлмәттә онкология диспансеры базасында эшләп килүче йогышлы госпиталь үз эшен тәмамлады. Онкология бүлеге планлы ярдәм күрсәтүгә кайтты.