Коронавирус
Татарстанда коронавирустан тагын алты кеше вафат булган
Республикада SARS-CoV-2 коронавирусы корбаннарның рәсми теркәлгән гомуми саны 1401гә җиткән.
Татарстанның тагын 6 кешесе Covid-19 коронавирусы корбаны булган — алар бер ир-ат һәм биш хатын-кыз. Бу хакта ТР Сәламәтлек саклау министрлыгы матбугат хезмәте хәбәр итә.
«Татарстанда коронавирус инфекциясеннән биш үлем очрагы расланган», — дип хәбәр иттеләр ведомствода.
Covid-19 инфекциясеннән 1961 елда туган ир-ат, 1945, 1946, 1947 һәм 1953, 1950 елларда туган хатын-кызлар вафат булган.
«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — диделәр министрлыкта.
Следите за самым важным и интересным в Telegram-каналеТатмедиа