Әлмәт муниципаль районында яңа коронавирус инфекциясенә каршы вакцинация дәвам итә.
Хәзерге вакытта барлыгы 6600 кеше прививка ясаткан. Кайтарылган вакцинаның 76%ы файдаланылган. Район Советы Аппараты җитәкчесе Роза Әфләтунова район активы белән планеркада әнә шундый мәгълүматлар җиткерде.
Район башлыгы Тимур Нагуманов оешма һәм учреждение җитәкчеләрен вакциналаштыруда активрак катнашырга, шулай ук санитар-эпидемиологик режим таләпләрен төгәл үтәргә чакырды.