Шәһәр халкы шикаятьләреннән соң Әлмәттә чүплекне бетерделәр

Әлмәт халкының 8 Март урамындагы 2 нче йорт янындагы контейнер мәйданчыгында барлыкка килгән чүплектән зарлануын хәбәр иткән идек. Хәбәргә экология һәм төзекләндерү департаменты вәкилләре оператив җавап бирде. Бу хакта җирле администрация матбугат хезмәте хәбәр итә.

Чүпне  җыештырдылар. «Проблема шунда, контейнер мәйданчыгы каты көнкүреш калдыкларына керми торган һәм төбәк операторы тарафыннан чыгарылмый торган калдыклар белән тулган иде», – дип аңлаттылар.

Фото: t.me/pressalmet