Әлмәт урманнарында кыргый җәнлекләрне саныйлар

Республикада куяннар һәм төлкеләрне,  барлыгы 19 төр кыргый хайваннар  санала. Кышкы исәп шулай үтә. Бу еллык процедура. Ул аучылык ресурсларының торышын бәяләргә һәм кирәк булганда вакытында чаралар күрергә ярдәм итә. 

"Әлмәт районының гомуми кулланышта булган аучылык җирләрендә кышкы маршрут хисабын үткәрәбез. Кыр җирләрен исәпкә алабыз, хайваннарны, тиреле, тояклы хайваннарны исәпкә алабыз", – дип сөйләде ТР Биологик ресурслар буенча дәүләт комитетының Әлмәт районы буенча бүлек башлыгы Айдар Мортазин.

Эшләү өчен навигатор кулланалар. Маршрут алдан әзерләнә. Эздән барганда, белгечләр бүре, куян яки төлке аны күптәннән калдырганнарын аңлый ала. Нинди төрләр һәм маршрутны ничә тапкыр үткәннәре ачыклана. Бу мәгълүматлар нигезендә исәпкә алынган төрләрнең  тыгызлыгы, ә аннары аларның саны исәпләнә.

"Без хайваннарны гына саныйбыз. Анда инде үз методикасы бар. Аның буенча билгеле бер аучылык җирлегендә билгеле бер сандагы хайваннар исәпләнә", - дип төгәлләде Айдар Мортазин.

Алынган мәгълүматны бердәм мәгълүмат базасына кертәләр. Исәп-хисап эшләре 15 мартта тәмамланачак. Бу мәгълүматлар аучылык ресурсларының торышын бәяләргә һәм кирәк булганда конкрет төрне саклау буенча чаралар күрергә мөмкинлек бирәчәк.