Махсус хәрби операциядә катнашучыларга һәм аларның гаиләләренә ташламалар

Медицина

Түләүсез медицина ярдәме алу, шул исәптән теш протезларын әзерләү һәм ремонтлау; дару препаратларын түләүсез бирү; табиб билгеләгән медицина эшләнмәләре белән түләүсез тәэмин итү; техник чаралар белән тернәкләндерү.

Шифаханә-курортларда дәвалану

2025 елдан махсус хәрби операция ветераннары ел саен социаль фонд үзәкләрендә 25 көнгә кадәр медицина реабилитациясе һәм шифаханә-курорт дәвалануы уза ала.

Хезмәт гарантияләре

Махсус хәрби операциядә катнашучыларның эш урыннары саклана. Хезмәт контрактлары өзелми, ә туктатылып тора. Үзләренең эш урыннарына алар хезмәт срогы тәмамланганнан соң өч ай вакыт эчендә кайтырга мөмкиннәр.

Банк, кредит каникуллары

10 миллион сумнан артык булмаган бурычларны кичерергә мәҗбүр итүче канун кабул ителде. Бурычларны, 2024 елның 1 декабреннән башлап, бер елдан да ким булмаган срокка контракт төзегән, ә срогы чыккан кредитлар буенча бу датага кадәр бурычларны түләтү турындагы суд акты үз көченә кергән яки башкарма производство кузгатылган очракта, юкка чыгарырга мөмкиннәр. Бу хокук мобилизациягә кадәр алынган кредитларга кагыла. Кредит шартнамәләре саны чикләнмәгән (контрактчы гаилә әгъзаларының эшкуарлык алып бару өчен алынган займнарыннан тыш).

Торак-коммуналь хуҗалык

Махсус хәрби операциядә катнашучыларның барысы да хәрби хәрәкәтләр ветераннары булып танылган, бу аларга тиешле ташламалардан файдаланырга мөмкинлек бирә, шул исәптән торак өчен түләү чыгымнарының 50 % ын компенсацияләү дә кертелә. Шулай ук, алар коммуналь түләүләр өчен пеня түләүдән азат ителә. Һәлак булган яки хәбәрсез югалган МХОда катнашучыларның гаиләләре коммуналь чыгымнарның 60 % ын кире кайтарырга мөмкин.

Салым, пенсия

2025 елдан НДФЛның дифференциацияләнгән шкаласы билгеләнә, ул махсус хәрби операциядә катнашучыларның керемнәренә кагылмый. МХОда катнашучыларны һәм аларның гаиләләрен милеккә салым түләүдән азат итә торган үзгәрешләр кертелгән. Гаилә әгъзаларына ир белән хатын, балигъ булмаганнар һәм инвалидлар, шулай ук 23 яшькә кадәрге көндезге белем алучы балалар керә. Махсус хәрби операциядә катнашу чоры пенсиясен билгеләү өчен иминият стажы икеләтә күләмдә исәпләнә.

Мәгариф

Махсус хәрби операциядә катнашучылар югары уку йортларына керү сынаулары нәтиҗәләре буенча аерым квота кысаларында бюджетка керә ала. Түләүле бүлектә укучылар бюджет урыннарына күчәргә мөмкин.

Махсус хәрби операциядә катнашучыларның гаиләләренә

Хәрби хезмәткәрнең гаилә әгъзалары, ул һәлак булган очракта, бер мәртәбә бирелә торган пособиегә һәм айлык акчалата компенсациягә хокуклы. Ул 5,2 миллион сум тәшкил итә. Әлмәтлеләргә барлык сораулар буенча җирле Халыкны социаль яклау органына, хәрби комиссариатка мөрәҗәгать итәргә яки Дәүләт хезмәтләре порталы аша гариза язарга кирәк. Документлардан паспорт, МХОда катнашуны һәм статусны раслый торган документлар булуы зарур. Рәсмиләштерү, барлык документлар тапшырылганнан соң, 30 көннән дә артмый. Акча, билгеләү турында карар кабул ителгәннән соң, биш эш көне эчендә түләнә. Алга таба пособие стандарт түләү графигы буенча һәр айның 3 нче һәм 25 нче көннәрендә күчерелә.

Барлык өстәмә мәгълүматлар белән түбәндәге сайттан карап танышырга мөмкин: https://heroes-tatarstan.ru/.