Әлмәттә шәһәр көнен ничек бәйрәм итәчәкләре билгеле булды

Әлмәттә 3 ноябрьдә шәһәрнең туган көнен билгеләп үтәчәкләр. Чара өч көн дәвам итәчәк, дип хәбәр итә Әлмәт районы башлыгы матбугат хезмәте. Беренче көнне, 2 ноябрьдә, шәһәр халкы өчен «Әлмәт тарихи календаре» китабын тәкъдир итәчәкләр. Ул «Библионефть» креатив киңлегендә узачак (Ленин урамы, 98). Моннан тыш, яшьләр үзәгендә (Ленин урамы, 21) «Халыклар дуслыгы» квизы планлаштырылган. Икенче көнне Әлмәттә яшәүчеләр өчен җәмәгать транспортында йөрү бушлай булачак. Шулай ук 3 ноябрьдә ат спорты мәктәбендә ачык ишекләр көне узачак. Теләүчеләр уку йортына бара алачак.

Гамәлдәге күргәзмәләр буенча экскурсияләр картиналар галереясендә (Ленин урамы, 98) уздырылачак. Ә «Креатив процесслар фабрикасы» үзәгендә «Беренче сыйныф укучысы әнисе көндәлеге» гаилә күрсәтүе узачак.

4 ноябрьдә 10:30 сәгатьтә Әлмәттә «Бердәмлектә бәхетнең 10 мең адымы» марафоны узачак.