Әлмәттә коткаручылар ике метрлы траншеягә егылып төшкән хатын-кызга ярдәм иткән.
Төнлә 49 яшьлек әлмәтле Пугачев урамындагы чокырга төшкән. ТР гадәттән тыш хәлләр министрлыгында сөйләүләренчә, бу урынга ашыгыч рәвештә шәһәрнең эзләү‑коткару бүлекчәсе коткаручылары чыккан.
- Зыян күрүче хәрәкәтләнә алмый, көчле авыртудан зарлана һәм вакыт-вакыт аңын югалта. Аңа тагын да күбрәк зыян китермәс өчен, коткаручылар хатын-кызны табиблар килгәнче чыгармый торганнар.
Табиблар килеп җиткәч, зыян күрүчене бик пөхтә итеп чокырдан чыгарганнар һәм хастаханәгә салу өчен ашыгыч ярдәм бригадасына тапшырганнар.