Бүгеннән башлап Татарстанда янгынга каршы махсус режим кертелде
Коры үлән яки чүп яндырганда тотылган кешеләргә штраф яный.
Бүгеннән башлап Татарстанда янгынга каршы махсус режим гамәлгә кертелде. Бу хакта «Татар-информ»да узган матбугат конференциясендә ТР Янгын күзәтчелеге буенча баш инспектор урынбасары Максим Трущин хәбәр итте.
Аның сүзләренчә, һәр ел саен нәкъ менә апрельдә янгыннар саны арта. Еш кына бу коры үлән янып китү белән бәйле була.
«Еш кына янгыннар янгын куркынычсызлыгы кагыйдәләрен үтәмәү аркасында килеп чыга. Бу чорда янгын сагы хезмәткәрләренә эш арта. Мәсәлән, узган елда аларга йөз тапкыр янгын сүндерергә чыгарга туры килде», - диде Максим Трущин.
Янгынга каршы махсус режим чорында Гадәттән тыш хәлләр министрлыгы Янгынга каршы дәүләт күзәтчелеге һәм полиция хезмәткәрләре белән берлектә рейдлар уздырачак. Коры үлән яки чүп яндырганда тотылган кешеләргә штраф яный. Аның суммасы янгынга каршы махсус режим вакытында ике тапкыр арта.
Следите за самым важным и интересным в Telegram-каналеТатмедиа
Оставляйте реакции
