Юлларда
Әлмәттә автомобиль тимер коймага бәрелеп, түбәсенә әйләнде
Инцидент нәтиҗәсендә шофер хастаханәнең травматология бүлегенә озатыла.
7 гыйнвар кичендә 18.30 сәгатьтә Әлмәт шәһәренең Шевченко урамындагы 94 нче йорт каршында авария була. Бу хакта дәүләт автоинспекциясенең Әлмәт бүлеге хәбәр итә.
1997 елда туган Toyota Corolla маркалы автомобиль йөртүчесе Төзүчеләр проспекты буенча Мәрҗани урамы ягына хәрәкәт итә. Беренчел версия буенча, куркынычсыз тизлекне сайламаганнан соң һәм идарә итүне башкара алмаганнан соң, металл коймага килеп бәрелә, нәтиҗәдә автомобильнең әйләнүенә китергән.
Нәтиҗәдә, шофер Әлмәт күппрофильле травматология бүлегенә китерелә.
Следите за самым важным и интересным в Telegram-каналеТатмедиа