Әлмәттә электр самокатлары катнашында ике юл-транспорт һәлакәте булды

Соңгы айда электр самокатлары катнашында 2 бәхетсезлек очрагы Әлмәттә булды. Гомумән алганда, өч яшүсмер зыян күргән. Юл тәртибе сакчылары юлда үз-үзләрен тоту кагыйдәләрен искә төшерә, шул исәптән 2023 елның мартыннан гамәлгә кергәннәрен дә. Хәзер юл хәрәкәте кагыйдәләрен бозучы индивидуаль мобильлек чаралары кулланучылары өчен аерым штраф системасы каралган.

Кайвакыт куркынычсызлык кагыйдәләре хәтердән югала һәм бәхетсезлек очраклары статистикасы тулылана. Районның автоинспекторлары июнь башына электр самокатлары йөртүчеләре катнашында ике юл-транспорт һәлакәтен теркәгән. 

- Автомобилист җайга салынулы җәяүлеләр юл аркылы чыгу урынында юл бирми, 2007 елда туган шофер идарә иткән авто самокатка бәрелә, – дип хәбәр итте РФ Эчке эшләр министрлыгының Әлмәт районы буенча дәүләт автоинспекциясе бүлеге начальнигы урынбасары Андрей Лиманский.  

Нәтиҗәдә, самокатка йөрүче хастаханәгә эләгә. Ә аның артыннан 17 яшьлек ике яшүсмер кабул итү бүлмәсенә озатыла. Май ахырында алар шулай ук көйләнмәгән юл аша чыгу урыныннан чыкканнар. Бу очракта электр самокатын йөртүчегә пассажир йөрткән өчен 800 сум штраф та каралган. 

Хәзер материаллар балигъ булмаганнар эшләре бүлегенә тапшырылган. 

– Җәяүлеләргә өстенлек бирергә, урамны «Зебра» аша гына кичәргә, алдан үз иминлегеңә инанып, телефонга һәм башка гаджетларга игътибарыңны юнәлтмәскә кирәк, - дип искәртте Андрей Лиманский. 

Шәхси мобильлек чаралары җәмәгать транспортына альтернативаны ныклы биләп алган инде. Прокатлы электр самокатларын гына исәпләсәк, шәһәрдә аларның саны ике фирмага 200дән артык. Узган ел велосамокат сезоны дәвамында Әлмәттә индивидуаль мобиль чара кулланучылар катнашында биш юл-транспорт һәлакәте теркәлгән.