Әлмәттә яңа билгеләнү турында хәбәр иттеләр

Илшат Фәрдиев юридик бүлекнең әйдәп баручы белгече, Әлмәт районы һәм Әлмәт шәһәре башкарма комитетының хокук саклау органнары белән хезмәттәшлек идарәсе башлыгы булды. Әлмәт районы башлыгы Тимур Нагуманов иртәнге атналык планерка вакытында әнә шундый мәгълүмат җиткерде.

Илшат Фәрдиев 1959 елның 12 гыйнварында туган. Әлмәт физкультура техникумын (1977-79), Казан дәүләт университетын (1983), Әлмәт дәүләт нефть институтын (2007) тәмамлаган.

Билгеләнгәнче Илшат Фәрдиев ТР прокуратурасында матди тәэмин итү, биналарны һәм транспортны эксплуатацияләү бүлеге башлыгы урынбасары, башлыгы булып эшли.